MƏTYU BRAYZƏ DANIŞIQLAR PROSESİNƏ DAİR “EHTİYATLI ÜMİD” EDİR
ATƏT Minsk qrupunun amerikalı həmsədri Mətyu Brayzə Azərbaycan və Ermənistanın xarici işlər nazirlərinin, digər həmsədrlərin iştirakı ilə keçiriləcək məsləhətləşmələrdə iştirak etmək üçün bazar ertəsi Brüsselə yola düşəcəkdir. Səfər ərəfəsində o, münaqişənin həlli ilə bağlı sülh danışıqlarına dair “ehtiyatlı ümid” etdiyini bildirmişdir. Mətyu Brayzə AZƏRTAC-ın müxbirinə müsahibəsində demişdir ki, Minsk qrupu həmsədrlərinin xahiş etdiyi kimi, tərəflərin əsas prinsipləri nəzərdən keçirərək, yeni yaradıcı ideyalar təklif etməsi baş vermişdir. Hazırda “son maneələr” üzərində iş aparılır: Siyasi reallıqlar budur ki, Ermənistan yeni seçki fəslinə daxil olur. Bəziləri deyirlər ki, belə vaxtda güzəştə getmək çətindir. Amma bəlkə də, əksinə, seçkilər ərəfəsində münaqişəni tezliklə həll etmək istəyi artacaqdır.
Bölmənin digər xəbərləri
