MİCROSOFT YENİ TEXNOLOGİYALARINI TƏQDİM ETMİŞDİR
Noyabrın 25-də Microsoft şirkəti AZEL, HP və İntertex şirkətləri ilə birgə Bakıda seminar keçirmişdir. Azərbaycanın 100-dən çox dövlət və biznes təşkilatının iştirak etdiyi seminarda Microsoft yeni texnologiyalarını və onların əsasında qəbul oluna biləcək qərarları təqdim etmişdir.
AZEL şirkətinin prezidenti İqor Yakovenko giriş sözü ilə çıxış edərək, proqram təminatının istehsalında dünyada lider sayılan Microsoft şirkəti ilə rəhbəri olduğu qurum arasında əlaqələrdən danışdı, yeni texnologiyaları və onların dünyada tətbiqi təcrübəsini geniş Azərbaycan auditoriyasına təqdim etmək üçün Bakıya gəldiklərinə görə şirkətin nümayəndələrinə minnətdarlığını bildirdi.
Seminarda Prezidentin İcra Aparatının informasiya resursları və texnologiyaları mərkəzinin rəhbəri Elmir Vəlizadə, Tələbə Qəbulu üzvə Dövlət Komissiyasının sədri, inkişaf naminə infonmasiya-kommunikasiya texnologiyalarının strategiyası layihəsi üzrə milli koordinator Məleykə Abbaszadə məruzələrlə çıxış edərək, dövlət orqanlarının fəaliyyətində qabaqcıl informasiya texnologiyalarının əhəmiyyətindən, müasir informasiya və kommunikasiyanın dövlətin inkişafında rolundan danışmış və onların Azərbaycanda geniş tətbiq edildiyini vurğulamışlar.
Tədbirin sonunda iştirakçıların hamısına seminarda müzakirə olunan mövzular üzrə Microsoftun orijinal materialları daxil edilmiş qovluqlar paylanmışdır.
Bölmənin digər xəbərləri
