Milli Aviasiya Akademiyasının qəbul planında 11 yer boş qalıb
Bakı, 7 sentyabr, AZƏRTAC
Milli Aviasiya Akademiyasının 2021-2022-ci tədris ili üzrə qəbul planında I ixtisas qrupu üzrə 7 yer boş qalıb.
AZƏRTAC xəbər verir ki, bu barədə məlumat “Abituriyent” jurnalının 7-ci nömrəsində dərc olunub.
Akademiyada aerokosmik mühəndislik ixtisası üzrə təhsil almaq istəyənlər boş qalan plan yerlərinə internet vasitəsilə ixtisas seçimi edə bilərlər. Akademiyanın I qrup ixtisaslarını yalnız ərizələrində imtahan verəcəyi xarici dil kimi ingilis dilini qeyd etmiş abituriyentlər seçə bilərlər. Tədris ocağında II ixtisas qrupu üzrə hidrometeorologiya ixtisasında 4 yer boş qalıb.
Xatırladaq ki, ali təhsil müəssisələrinin boş qalan (vakant) plan yerlərinə ixtisas seçimi internet vasitəsilə sentyabrın 10-dək aparılacaq.
Bölmənin digər xəbərləri
