MİLLİ AZLIQLARIN FESTİVALI
AZƏRTAC-ın Ukraynadakı xüsusi müxbiri xəbər verir ki, avqustun 14-17-də Ujqorodda (Zakarpatye) milli azlıqlar üçün “Mənim doğma diyarım” televiziya və radio proqramlarının 5-ci Beynəlxalq festivalı keçiriləcəkdir. Ukraynanın bütün bölgələrindən, habelə dünyanın 20 ölkəsindən gəlmiş teleradio jurnalistləri festivalda öz proqramlarını təqdim edəcəklər. Festivalın proqramında müsabiqəyə təqdim olunan işlərə baxışla yanaşı, Zakarpatyedə yaşayan milli azlıqların nümayəndələri ilə görüşlər, diskussiyalar, “dəyirmi masa”lar keçirilməsi də nəzərdə tutulmuşdur. Festivalda Ukrayna Azərbaycanlıları Konqresinin vilayət təşkilatında birləşmiş Zakarpatye Azərbaycan diasporunun nümayəndələri də iştirak edəcəklər.
Bölmənin digər xəbərləri
