MİLLİ BANKIN MƏTBUAT XİDMƏTİNİN MƏLUMATI
Milli Bankın İdarə heyətinin sədri Elman Rüstəmov Naxçıvan Muxtar Respublikasında olmuşdur. Səfərdən məqsəd Muxtar Respublikanın sosial-iqtisadi problemləri ilə tanışlıq və onların həlli istiqamətində bank sektorunun rolunun gücləndirilməsi idi.
E. Rüstəmov MR Ali Məclisinin sədri Vasif Talıbovla, habelə Milli Bankın Naxçıvan MR idarəsində dövlət və kommersiya banklarının nümayəndələri ilə görüşmüşdür. Bu görüşlərdə Muxtar Respublikanın sosial-iqtisadi problemlərinin həlli, iqtisadi islahatların daha da dərinləşdirilməsində bank sektorunun rolunun artırılması, bu proseslərə onun təsirinin gücləndirilməsi barədə fikir mübadiləsi aparılmış, habelə mövcud problemlərin aradan qaldırılması üçün zəruri olan tədbirlər dəqiqləşdirilmişdir.
Bölmənin digər xəbərləri
