Milli Qəhrəman Elşad Yəhyayevin xatirəsi anılmışdır
Bakı, 9 may (AZƏRTAC). Ədliyyə Nazirliyi Penitensiar Xidmətinin mühafizə alayının kollektivi veteranlar və şəhid ailələrinin iştirakı ilə mütəmadi olaraq tədbirlər keçirir.
Penitensiar Xidmətin ictimaiyyətlə əlaqələr şöbəsindən AZƏRTAC-a bildirmişlər ki, belə tədbirlərdən biri Xidmətin mühafizə alayında xidmət aparmış və Qarabağ uğrunda döyüşlərdə şəhid olmuş Azərbaycan Respublikasının Milli Qəhrəmanı Elşad Məmmədhənifə oğlu Yəhyayevin xatirəsinə həsr edilmişdir.
Xətai rayonundakı Milli Qəhrəman E.Yəhyayev adına 56 məktəbin və mühafizə alayının kollektivinin birgə keçirdikləri tədbirdə qəhrəmanın ailə üzvləri, keçmiş döyüş yoldaşları iştirak etmişlər. Mərasimdə çıxış edənlər qəhrəmanın keçdiyi şərəfli döyüş yolundan ətraflı söhbət açmışlar.
Anma tədbiri şəhidin abidəsi önünə əklil qoyulmaqla başa çatmışdır.
Bölmənin digər xəbərləri
