Mingəçevirdə şair Əhməd Cəmilin 100 illik yubileyi qeyd edilmişdir
Mingəçevir, 17 noyabr (AZƏRTAC). Mingəçevir şəhər Mərkəzi Kitabxanada Azərbaycan ədəbiyyatının görkəmli nümayəndələrindən biri, Dövlət mükafatı laureatı, şair, tərcüməçi, Əhməd Cəmilin anadan olmasının 100 illik yubileyi ilə əlaqədar şeir gecəsi keçirilmişdir.
AZƏRTAC xəbər verir ki, mədəniyyət və təhsil işçilərinin, fəal oxucuların, gənclərin, şagirdlərin iştirak etdiyi tədbirdə çıxış edənlər şairin həyat və yaradıcılığı haqqında geniş məlumat vermişlər.
Məktəblilər şairin "Dünyanın gözəlliyi", "Can nənə bir nağıl de", "Vətən oğluna" adlı şeirlərini söyləmişlər.
Tədbirdən sonra "Əhməd Cəmil-100" mövzusunda təşkil olunan sərgiyə baxış keçirilmişdir. Sərgidə şairin kitabları, tərcümə etdiyi və redaktoru olduğu nəşrlər, haqqında dövri mətbuatda dərc olunmuş materiallar nümayiş etdirilmişdir.
Bölmənin digər xəbərləri
