Minskin mərkəzindən aeroporta birbaşa dəmir yolu xətti çəkiləcək
Minsk, 4 sentyabr, AZƏRTAC
Belarusun Minsk şəhərinin mərkəzindən aeroporta birbaşa dəmir yolu xətti çəkiləcək.
AZƏRTAC BELTA-ya istinadla xəbər verir ki, bunu jurnalistlərə açıqlamasında Minsk vilayətinin baş arxitektoru Vadim Nikolaenko deyib.
Onun sözlərinə görə, bu dəmir yolu xəttinin çəkilişi ilə əlaqədar iqtisadi və logistika baxımından üç variant üzərində iş aparılır. Bu dəmir yolu xəttinin çəkilişinə dair təkliflər paketi yaxın vaxtlarda təqdim ediləcək. Minskin inkişafı aeroportdan şəhərin mərkəzinə birbaşa dəmir yolu xəttinin çəkilişini qaçılmaz edir.
Emil Hüseynli
AZƏRTAC-ın xüsusi müxbiri
Minsk
Bölmənin digər xəbərləri
