Misir nümayəndələri İsrail tərəfi ilə görüşləri ləğv edib
Bakı, 13 may, AZƏRTAC
Misir rəsmiləri fikir ayrılıqları səbəbindən israilli məmurlarla planlaşdırılan danışıqları ləğv ediblər.
AZƏRTAC i24 telekanalına istinadla xəbər verir ki, fikir ayrılıqları İsrailin Qəzza sektorunun Misirlə sərhədində yerləşən Rəfah şəhərində keçirdiyi hərbi əməliyyatlarla bağlıdır. Misir Silahlı Qüvvələri eyni zamanda bölgədə pilotsuz kəşfiyyat aparatlarının uçuşlarını intensivləşdirib.
Birləşmiş Ərəb Əmirliklərinin “The National” qəzetinin yazdığına görə, Fələstini dünyaya bağlayan yeganə quru yolu - Rəfah keçid məntəqəsinin İsrail tərəfindən bağlanması Qahirənin narahatlığına səbəb olub.
Qeyd edək ki, Rəfah Qəzza sektorunda İsrailin Fələstin müqavimət qüvvələrinə qarşı irimiqyaslı əməliyyatlara başlamadığı sonuncu yaşayış məntəqəsidir.
Bölmənin digər xəbərləri
