Misir prezidenti Liviyada sabitliyin bərqərar olunması üçün terrorizmlə mübarizəni dəstəkləyir
Qahirə, 14 aprel, AZƏRTAC
Misir Liviyada təhlükəsizliyin və sabitliyin təmin olunması üçün terrorizmə qarşı mübarizə səylərini dəstəkləyir.
AZƏRTAC xəbər verir ki, bu barədə Misir prezidenti Əbdül Fəttah əs-Sisi Liviya milli ordusunun feldmarşalı Xəlifə Xaftarla görüşü zamanı bildirib.
Bildirilib ki, Misir prezidenti Liviyada bütün ölkə ərazisində xalqın mənafeyinə uyğun təhlükəsizliyə və sabitliyə nail olunması və suveren ölkənin yaradılması üçün terrorizmə, ekstremizmə və üsyançı qruplaşmalara qarşı mübarizə sahəsindəki səyləri dəstəklədiyini təsdiq edib. Bu addım Liviyanın xalqının istəklərinə uyğun ölkənin ən müxtəlif sahələrdə bərpasının və dirçəlişinin başlanmasına imkan yaradacaq.
Asya Hacızadə
AZƏRTAC-ın xüsusi müxbiri
Qahirə
Bölmənin digər xəbərləri
