Misli Premyer Liqası: “Araz-Naxçıvan” liderliyə yüksəlib
Bakı, 7 dekabr, AZƏRTAC
Misli Premyer Liqasında XVI tura start verilib.
AZƏRTAC xəbər verir ki, turun ilk qarşılaşmasında “Səbail” və “Araz-Naxçıvan” komandaları üz-üzə gəliblər. “ASCO Arena”da keçirilən görüş Naxçıvan təmsilçisinin 2:0 hesablı qələbəsi ilə başa çatıb.
Komandanın qollarını 45+2-ci dəqiqədə penaltidən Ramon Maçado, 56-cı dəqiqədə isə Bernardu Diaş vurublar.
Bu nəticədən sonra qonaqlar 39 xalla liderliyə yüksəlib, meydan sahibləri isə 8 xalla sonuncu – 10-cu pillədə qalıb.
Günün ikinci matçında “Sabah” “Qarabağ”ı qəbul edəcək. “Bank Respublika Arena”da təşkil ediləcək qarşılaşma saat 18:00-da start götürəcək.
Qeyd edək ki, XVI turun digər görüşləri dekabrın 8-9-da reallaşacaq.
Bölmənin digər xəbərləri
