Qazaxıstan Atırau-Samara kəməri ilə neft nəqlinin bərpa olunduğunu açıqlayıb
Astana, 3 noyabr, AZƏRTAC
“Atırau-Samara” magistral kəməri ilə neftin nəqli müvəqqəti fasilədən sonra bərpa edilib və hazırda normal rejimdə həyata keçirilir.
AZƏRTAC Qazaxıstanın Energetika Nazirliyinə istinadla xəbər verir ki, infrastrukturun texniki yoxlanışından sonra neftin nəqli yenidən başlanıb.
Xatırladaq ki, noyabrın 2-də səhər saatlarında Rusiyadakı Samara qovşağının obyektlərinə pilotsuz uçuş aparatlarının (PUA) hücumu səbəbindən bu istiqamət üzrə neftin qəbulu müvəqqəti dayandırılıb.
Nazirliyin məlumatına görə, hadisə nəticəsində xəsarət alan olmayıb. Vəziyyət qurumun nəzarəti altındadır.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
