MONAKO NƏHƏNG ÜZƏN PLATFORMA HESABINA ƏRAZİSİNİ GENİŞLƏNDİRİR
Dağlarla və Fransa sərhədi ilə Aralıq dənizinin küncünə sıxışdırılmış Monako knyazlığı nəhənğ üzən platformalar inşa etmək hesabına öz ərazisini genişləndirməyə başlamışdır. Uzunluğu 352, eni 28 metr və çəkisi 160 min ton olan birinci platforma artıq bu ayın axırlarında limana gətiriləcək və burada lövbər salacaqdır.
İndiyədək dünyanın heç yerində belə iri üzən platformalar inşa edilməmişdir. Onun dəyəri 68 milyon avrodur.
İTAR-TASS-ın verdiyi xəbərə görə, nəhəng katamarana bənzəyən konstruksiyada bir neçə ticarət mərkəzi, restoran və qəhvəxanalar, 400 yüz maşın üçün dördmərtəbəli avtomobil dayanacağı vardır. Bu nadir qurğu quraşdırıldıqdan sonra Monako limanının terminallarının uzunluğunu təxminən 2 dəfə artıracaqdır. Bundan əlavə, platforma indiyədək reyddə lövbər salmağa məçbur olan nəhənğ okean yaxtalarının limana yan almasına imkan verəcəkdir.
Bölmənin digər xəbərləri
