Monqolustanın paytaxtına güclü qar yağıb
Bakı, 4 noyabr, AZƏRTAC
Monqolustanın paytaxtı Ulan-Batora yağan güclü qar yollarda böyük tıxaclara səbəb olub.
AZƏRTAC xəbər verir ki, Monqolustan Meteorologiya və Ətraf Mühitin Monitorinqi İnstitutu ölkə ərazisinin böyük hissində çovğun olacağını və qarın daha da güclənəcəyini proqnozlaşdırır. Dağlıq rayonlarda temperaturun mənfi 28 dərəcəyə düşəcəyi gözlənilir.
Bu səbəbdən ölkənin Fövqəladə Hallar Nazirliyi sürücüləri yollarda diqqətli olmağa, maldarlıqla məşğul olanlari isə əlavə tədbirlər görməyə çağırıb.
Qeyd edək ki, Monqolustanda xeyli uzun sürən soyuq qış mövsümündə havanın temperaturu mənfi 25-45 dərəcə arasında dəyişir.
Bölmənin digər xəbərləri
