MOSKVA-İRKUTSK REYSİ İLƏ UÇAN SƏRNUŞİN TƏYYARƏSİ QƏZAYA UĞRAMIŞDIR

09.07.2006 [20:48]
Çap et
A⁺ A^-

AZƏRTAC Rusiya KİV-lərinə istinadla xəbər verir ki, iyulun 9-da Moskva-İrkutsk reysi ilə uçan A-310 tipli şərnişin təyyarəsi Moskva vaxtı ilə gecə saat 3 radələrində İrkutsk hava limanında yerə enərkən qəzaya uğramışdır.

“Sibir” aviaşirkətinə məxsus təyyarədə 192 sərnişin və 8 ekipaj üzvü olmuşdur. İlkin məlumatlara görə 140 nəfər ölmüşdür. Hələlik 122 nəfərin cəsədi tapılmışdırş. Sağ qalan 70 nəfərdən 58-i xəstəxanalara yerləşdirilmişdir.

Hadisə yerində xilasedicilər, həkimlər, habelə hüquq mühafizə orqanlarının əməkdaşları işləyirlər.

Verilən məlumatlara görə, təyyarədə 12 xarici vətəndaş, o cümlədən Almaniyanın 3, Çinin, Polşanın, Azərbaycanın və Belarusun 2 vətəndaşı olmuşdur.

Qəzanın səbəblərini araşdırmaq məqsədi ilə yaradılmış hökumət komissiyasına Rusiyanın nəqliyyat naziri İqor Litvin rəhbərlik edir.

Faciə ilə əlaqədar Rusiya Federasiyasının Prezidenti Vladimir Putin həlan olanların qohumlarına və yaxınlarına başsağlığı vermişdir.

İyulun 10-u Ruisyada matəm günü elan edilmişdir.