MOSKVADA RUSİYA, FRANSA VƏ FİNLANDİYA XARİCİ İŞLƏR NAZİRLƏRİNİN GÖRÜŞÜ KEÇİRİLƏCƏK
AZƏRTAC-ın xüsusi müxbiri xəbər verir ki, avqustun 12-də Moskvada Rusiya, Finlandiya və Fransanın xarici işlər nazirlərinin görüşü keçiriləcəkdir. Bu barədə razılıq Rusiyanın xarici işlər naziri S.Lavrovun ATƏT-in hazırkı sədri, Finlandiyanın xarici işlər naziri A.Stubb ilə növbəti telefon danışığı zamanı əldə edilmişdir.
Rusiya XİN-in informasiya və mətbuat departamentinin məlumatına görə, A.Stubb Gürcüstan Prezidenti M.Saakaşvili ilə danışıqlarının yekunları, atəşkəs barədə Gürcüstan tərəfi ilə razılaşdırılmış təkliflər haqqında məlumat vermişdir. S.Lavrov bildirmişdir ki, Gürcüstan hərbi birləşmələrinin atəşi dayandırması ilə yanaşı, Gürcüstan Silahlı Qüvvələrinin Cənubi Osetiyadan qeyd-şərtsiz təcili və tam çıxarılmasına, Gürcüstanın hər hansı rayonunun ərazisindən Cənubi Osetiyaya qarşı hərbi əməliyyatlara son qoyulmasına, Cənubi Osetiya ilə Gürcüstan arasında güc tətbiq etməmək barədə saziş imzalanmasına nail olmaq lazımdır.
Bölmənin digər xəbərləri
