MOSKVADA ŞƏRQİ AVROPADA VƏ MƏRKƏZİ ASİYADA QİÇS MƏSƏLƏLƏRİNƏ DAİR KONFRANS KEÇİRİLİR

15.05.2006 [21:51]
Çap et
A⁺ A^-

AZƏRTAC-ın xüsusi müxbiri xəbər verir ki, Şərqi Avropada və Mərkəzi Asiyada QİÇS məsələlərinə dair mayın 15-də Moskvada açılmış konfransda bu bəla ilə mübarizədə dünya birliyinin səylərinin əlaqələndirilməsinin vacibliyi vurğulanmışdır. Çıxış edənlər dünyada bu xəstəliyin artım dinamikasından danışaraq bildirmişlər ki, son illər cinsi əlaqə yolu ilə yoluxan İÇV daşıyıcılarının sayı xeyli artmışdır, halbuki əvvəllər virus, əsasən, şpris vasitəsilə keçirdi.

Rusiyada 351 mindən çox İÇV daşıyıcısı qeydə alınmışdır, 15 min uşağı QİÇS xəstəsi olan analar doğmuşdur. Bu məlumatları verən Rusiyanın baş sanitar həkimi Gennadi Onişşenko bildirmişdir ki, ölkədə hər 100 min nəfərdən 200-ü bu xəstəlikdən əziyyət çəkir. Bu isə xəstəliyin çox sürətlə yayılmasından xəbər verir. G.Onişşenko demişdir ki, Rusiyanın 24 regionunda xəstəliyin artması xüsusilə həyəcan doğurur.

Rusiyanın baş sanitar həkiminin sözlərinə görə, 2006-2007-ci illərdə Federal büdcədən QİÇS-lə mübarizəyə 7,7 milyard rubl ayrılacaqdır. Cari ildə dövlət büdcəsindən bu məqsədlər üçün ayrılan vəsaitin məbləği 20 dəfə artırılmış və 3 milyard rubla çatdırılmışdır.

MOSKVADA ŞƏRQİ AVROPADA VƏ MƏRKƏZİ ASİYADA QİÇS MƏSƏLƏLƏRİNƏ DAİR KONFRANS KEÇİRİLİR

MÜƏLLİFLƏ ƏLAQƏ

Bölmənin digər xəbərləri