MÜƏLLİF MAHNILARI FESTİVALININ SON AKKORDU SƏSLƏNMİŞDİR
AZƏRTAC xəbər verir ki, IV Bakı müəllif mahnıları festivalı Rəşid Behbudov adına Mahnı Teatrında anşlaqla başa çatmışdır. ”Mahnılarımızı müqayisə edək” devizi adı altında keçirilən festival Rus Mədəniyyəti Mərkəzi, Müəllif Mahnıları Klubu tərəfindən Gənclər və İdman Nazirliyinin dəstəyi ilə təşkil olunmuşdur.
Bağlanış mərasimində müəllif mahnıları klubunun prezidenti Cavid İmamverdiyev, gənclər və idman nazirinin müavini İntiqam Babayev, Rus Mədəniyyəti Mərkəzinin direktoru Svetlana Barinova çıxış etmişlər.
C.İmamverdiyev bildirmişdir ki, festival başa çatsa da, iştirakçılar evlərinə qayıtmağa tələsmirlər. Keçmiş bakılılar paytaxtda qalacaq və dostları ilə görüşəcəklər. Gələn il festival daha geniş keçiriləcəkdir, çünki Müəllif Mahnıları Klubu 35 illik yubileyini qeyd etməyə hazırlaşır.
Yekun konsertində Andrey Ofiserov (Nijni Novqorod), Robert Avadyayev, Çingiz Baxadov, Aleksandr Siryulnikov (Moskva), İbrahim İmaməliyev və Cavid İmamverdiyev (Bakı) çıxış etmişlər.
Bölmənin digər xəbərləri
