Müəllimlik ixtisasına maraq ilbəil artır
Bakı, 1 fevral, AZƏRTAC
Ötən illərlə müqayisədə müəllim işləmək arzusunda olanların sayında üç dəfə artım müşahidə edilir.
AZƏRTAC xəbər verir ki, bu fikri 2 fevral - Azərbaycan Gəncləri Günü münasibətilə təhsil naziri Ceyhun Bayramov bir qrup gənc müəllimlə görüşündə söyləyib. Nazir deyib ki, 2014-cü ildə 500 və daha çox bal toplayan 922 nəfər müəllimlik ixtisasını seçmişdisə, 2017-ci ildə bu rəqəm 1370 nəfər olub. Ötən il keçirilən qəbul imtahanlarında 500 və daha çox bal toplayan məzunlar arasında müəllimlik ixtisasını 2 min 90 nəfər seçib. Bu göstərici 2014-2015-ci tədris ilinə nisbətən 2,3, ötən ilə nisbətən isə 1,5 dəfə artım deməkdir.
Bölmənin digər xəbərləri
