MUĞAM DÜNYA SƏNƏT İNCİLƏRİ SİYAHISINA DAXİL EDİLƏCƏKDİR
Azərbaycanin qədim musiqi janrı - muğam YUNESKO tərəfindən tərtib olunmuş dünya sənət inciləri siyahısına daxil edilməyə təqdim olunacaqdır.
Bu barədə razılaşma Azərbaycanın mədəniyyət naziri Polad Bülbüloğlu ilə YUNESKO-nun qeyri-maddi mədəni irsin öyrənilməsi və araşdırılması üzrə direktoru xanım Noriko Aykavanın görüşündə əldə edilmişdir.
Qonaq vurğulamışdır ki, Azərbaycan tərəfi bu məqsədlə YUNESKO-ya müvafiq layihə təqdim etməlidir. Layihənin hazırlanmasında yerli mütəxəssislərlə yanaşı, bu təşkilatın ekspertləri də iştirak edəcəklər.
Görüşdə YUNESKO üzrə Azərbaycan milli komissiyasının məsul katibi Ramiz Abutalıbov iştirak etmişdir.
Bölmənin digər xəbərləri
