MÜNAQİŞƏ ÖLÜMLƏ NƏTİCƏLƏNMİŞDİR
Bakı Şəhəri Baş Polis İdarəsinin növbətçi hissələri idarəetmə xidmətinin rəisi, polis polkovniki Vaqif Quliyevin AZƏRTAC-ın müxbirinə verdiyi məlumata görə, Sabunçu qəsəbəsinin sakini, 1987-ci il təvəllüdlü Mehran Abbasov həmin qəsəbənin Ə.Məmmədov küçəsindəki bazarın qarşısında, Oğuz rayonunun sakini, 1976-cı il təvəllüdlü Etibar Mövlanovu münaqişə zəminində bıçaqlamışdır. E. Mövlanov Sabunçu rayonundakı 3 nömrəli xəstəxanaya çatdırılsa da, onun həyatını xilas etmək mümkün olmamışdır.
Sabunçu rayon polisi qatili yaxalamışdır, faktla bağlı təhqiqat aparılır.
Ümumiyyətlə, dünən Bakıda 5 cinayət hadisəsi qeydə alınmış, hamısının üstü isti izlərlə açılmışdır.
Bölmənin digər xəbərləri
