MUSİQİLİ ƏDƏBİ-BƏDİİ TƏDBİR KEÇİRİLMİŞDİR
AZƏRTAC xəbər verir ki, avqustun 1-də Bakı Şəhər Mədəniyyət və Turizm İdarəsinin təşkilatçılığı ilə Azərbaycan əlifbası və Azərbaycan dili günü münasibətilə Ramana qəsəbəsində yerləşən “Gənc əlillərin əmək və istirahət evi”ndə musiqili ədəbi-bədii tədbir keçirilmişdir.
İdarənin rəisi Əlikram Əliyev əlamətdar gün münasibətilə tədbir iştirakçılarını təbrik etmiş, Azərbaycan dilinin qorunmasında və inkişaf etdirilməsində ulu öndərimiz Heydər Əliyevin xidmətlərindən ətraflı danışmışdır.
Tədbirdə Bakı Şəhər Uşaq teatrının kollektivi maraqlı proqramla çıxış etmiş, müxtəlif tamaşalardan parçalar göstərmişdir. Müğənni Rüfət Axundov və “Şeron” qrupunun ifa etdikləri mahnılar iştirakçılarda xoş ovqat yaratmışdır.
Ədəbi-bədii tədbirin sonunda idarənin rəhbərliyi gənc əlillərə hədiyyələr təqdim etmişdir.
Bölmənin digər xəbərləri
