Naftalanda itkin düşən şəxs axtarılır
Bakı, 25 noyabr, AZƏRTAC
Naftalan şəhərinin Qasımbəyli kənd sakini 19 yaşlı Sahil Əhmədov noyabrın 23-də yaşadığı evdən çıxaraq bir daha geri qayıtmayıb.
Daxili İşlər Nazirliyinin mətbuat xidmətinin Gəncə regional qrupundan AZƏRTAC-a bildiriblər ki, S.Əhmədovun boyu 178 santimetr, gözlərinin rəngi qəhvəyi, saçları qaradır. Evdən çıxan zaman əynində ağ zolaqlı qara köynək, tünd göy rəngdə gödəkçə, boz rəngdə idman şalvarı və idman ayaqqabısı olub.
Onu tanıyanlardan və barəsində məlumatı olanlardan Daxili İşlər Nazirliyinin 102 - Zəng Mərkəzi Xidmətinə, həmçinin 02235-2-31-15 şəhər və (050) 673-13-05 mobil nömrələrinə zəng vuraraq məlumat vermələri xahiş olunur.
Bölmənin digər xəbərləri
