NARKOTİKLƏRLƏ MÜBARİZƏYƏ HƏSR OLUNMUŞ REGİONAL TRENİNQ

25.04.2004 [12:29]
Çap et
A⁺ A^-

AZƏRTAC Dövlət Gömrük Komitəsinə istinadla xəbər verir ki, BMT-nin İnkişaf Proqramı (BMTİP) ilə əldə olunmuş razılaşmaya əsasən, Masallı rayonunda narkotiklərlə mübarizəyə dair regional təlim kursu keçirilmişdir. Komitənin, habelə, Daxili İşlər Nazirliyi və Dövlət Sərhəd Xidmətinin cənub bölgəsi üzrə yerli qurumlarının əməkdaşları üçün təşkil edilən kursun məqsədi narkotiklərlə bağlı kəşfiyyat sistemini daha da təkmilləşdirmək və həmin strukturlar arasında informasiya mübadiləsini inkişaf etdirməkdir.

Avropa Birliyinin ekspert qrupunun üzvləri, “Cənubi Qafqazda Narkotiklərə Nəzarət” (SKAD) Regional Yardım Proqramının milli koordinatoru və BMT İP nümayəndələri “ağ ölüm”ün, narkobiznesin cəmiyyətin tərəqqisinə ciddi əngəl yaratdığını bildirmiş, narkotiklərə qarşı mübarizə probleminin həlli naminə beynəlxalq ictimaiyyətin səylərinin birləşdirilməsinin vacibliyini vurğulamışlar. Bu istiqamətdə ölkəmizdə görülən tədbirlərdən söhbət açan natiqlər seminarın bu sahədə əhəmiyyətindən, cənub bölgəsində sərhədlərin daha da möhkəmləndirilməsinə kömək göstərəcəyindən danışmışlar.

Seminarda Azərbaycanda gömrük orqanlarının narkotiklərin qaçaqmalçılığına qarşı apardığı mübarizəsini əks etdirən film göstərilmiş, iştirakçılara sertifikatlar verilmişdir.

NARKOTİKLƏRLƏ MÜBARİZƏYƏ HƏSR OLUNMUŞ REGİONAL TRENİNQ

MÜƏLLİFLƏ ƏLAQƏ