NATO AZƏRBAYCAN İLƏ ƏMƏKDAŞLIĞIN SƏVİYYƏSİNDƏN RAZIDIR
Səfərindən əsas məqsədin NATO ilə Azərbaycan arasında əməkdaşlığa dair Fərdi Tərəfdaşlığın Fəaliyyət Planının icrası ilə bağlı məsələləri müzakirə etmək olduğunu bildirən R.Simmons, Prezident İlham Əliyevin onu qəbul etdiyini, müxtəlif dövlət qurumlarında görüşlər keçirdiyini bildirmişdir. O, görüşlərdə fəaliyyət planının icrasına başlanıldığı vaxtdan ötən bir il ərzində görülmüş tədbirlərin, habelə regiondakı vəziyyətin müzakirə olunduğunu demişdir.
Xüsusi nümayəndə R.Simmons ölkəmizdə Fərdi Tərəfdaşlığın Fəaliyyət Planının icrasından razı qaldığını və bu istiqamətdə görülən işləri yüksək qiymətləndirdiyini diqqətə çatdırmış, vaxt ötdükcə sənədə əlavələr edilməsinin vacibliyini vurğulamışdır.
O, Azərbaycanın NATO ilə əməkdaşlığından məmnun qaldığını, planın həm Şimali Atlantika Alyansının, həm də Azərbaycanın maraqlarına uyğun olduğunu söyləmişdir.
NATO sülhməramlılarının bölgədə yerləşdirilməsi fikrinə aydınlıq gətirən xüsusi nümayəndə demişdir ki, bunun üçün münaqişə tərəfləri - Azərbaycan və Ermənistan razılığa gəlməlidir. NATO münaqişənin həlli ilə məşğul olan ATƏT-in Minsk qrupunun fəaliyyətini, aparılan danışıqları izləyir. NATO ümid edir ki, tərəflər razılığa gələcəklər.
Bölmənin digər xəbərləri
