NAXÇIVAN MUXTAR RESPUBLİKASI ƏRAZİSİNDƏ “QUŞ QRİPİ” VİRUSUNUN DAŞIYICISI YOXDUR
AZƏRTAC-ın müxbiri xəbər verir ki, Naxçıvan Muxtar Respublikası Ekologiya və Təbii Sərvətlər, Kənd Təsərrüfatı və Səhiyyə nazirliklərinin mütəxəssisləri “quş qripi” ilə əlaqədar müxtəlif ərazilərdə, o cümlədən “Arazboyu” Dövlət Təbiət Yasaqlığında monitorinq aparmışlar.
Babək rayonunun Uzunoba və Nehrəm göllərində, Heydər Əliyev Su Anbarında keçirilən monitorinq zamanı quş cəsədləri aşkar olunmamış, quş ölümü hallarına təsadüf edilməmişdir.
“Quş qripinə” qarşı aparılan profilaktiki tədbirlərlə yanaşı, ictimaiyyət arasında ekoloji maarifləndirmə də diqqət mərkəzində saxlanılır.
Muxtar Respublikada epizootik vəziyyət sabitdir və “quş qripi” virusunun daşıyıcıları yoxdur.
Bölmənin digər xəbərləri
