NAXÇIVANDA ƏL İŞLƏRİ SƏRGİ-SATIŞ MƏRKƏZİ AÇILMIŞDIR
İyunun 24-də Naxçıvan şəhərində əl işləri sərgi-satış mərkəzinin açılışı olmuşdur. Burada Muxtar Respublikanın yaradıcılıq təşkilatlarının, fiziki şəxslərin təqdim etdikləri 300-ə yaxın müxtəlif əl işləri nümayiş etdirilir.
Eksponatlar arasında Naxçıvan Xanım Qızlar Pansionatı müəllim və şagirdlərinin əl işləri, məktəblilərin hazırladıqları oyuncaqlar, xalçalar, məişət əşyaları, bəzək - tikmə nümunələri də vardır.
Muxtar Respublika Rəssamlar Birliyinin sərgi-satış mərkəzinə təqdim etdiyi rəsm əsərləri, Ordubaddakı “Nicat” kiçik müəssisəsində toxunmuş “Şadman”, “Firuzə”, “Buta”, “Naxış” xalçaları sənətkarlıq xüsusiyyətləri və keyfiyyəti ilə seçilir.
Muxtar Respublika Ali Məclisinin sədri Vasif Talıbov sərgi-satış mərkəzinin açılışında iştirak etmişdir.
Bölmənin digər xəbərləri
