Naxçıvanda hiperintensiv bağların salınmasına görə dövlət dəstəyi mexanizminin tətbiqinə başlanılacaq
Bakı, 27 yanvar, AZƏRTAC
İlk dəfə Naxçıvanda hiperintensiv bağların salınmasına görə dövlət dəstəyi mexanizminin tətbiqinə başlanılacaq.
AZƏRTAC xəbər verir ki, bu sözləri Kənd Təsərrüfatı Nazirliyinin mətbuat xidmətinin rəhbəri Vüqar Hüseynov yeni subsidiya əmsalları ilə bağlı keçirilən brifinqdə deyib.
O bildirib ki, Naxçıvanda hiperintensiv bağların salınmasına görə yüksək subsidiya əmsalları müəyyənləşib.
“Qərara əsasən, muxtar respublikada hiperintensiv meyvə bağlarının salınmasına görə çəkilən xərclərin 70 faizi dövlət tərəfindən birdəfəlik əkin subsidiyası formasında qarşılanacaq”,- deyə o diqqətə çatdırıb.
Nazirlik rəsmisi ölkədə şəkər çuğunduru üzrə də subsidiyasının miqdarının artırıldığını əlavə edib: “Müasir suvarma sistemləri ilə təchiz olunmuş sahələrdə əkilən şəkər çuğunduru üzrə subsidiyanın miqdarı hər tona 19 manatdan 22 manata qaldırılıb. Müasir suvarma sistemləri ilə təmin olunmamış sahələrdə isə subsidiya 18 manatdan 19 manatadək artırılıb”, - deyə o bildirib.
Bölmənin digər xəbərləri
