NAXÇIVANDA TƏHSİL DÖVLƏT QAYĞISI İLƏ ƏHATƏ OLUNMUŞDUR
Yeni məktəblərin hamısı təzə avadanlıq və kompüterlərlə təchiz edilmişdir. Burada təqribən 9 min müəllim 72 min şagirdin təlim-tərbiyəsi ilə məşğul olacaqdır.
Məktəbə yenicə qədəm qoyan 6 min 450 nəfər birinci sinif şagirdinin hamısı əlifba kitabı ilə təmin edilmiş, I-V sinif şagirdlərinə 26 min ədəd müxtəlif adda əlavə dərslik paylanmışdır. VI-VII sinif şagirdlərinə də dərsliklər pulsuz verilmiş, şagirdlərin məktəbli formasına keçməsi işi başa çatdırılmışdır.
Naxçıvan şəhərinin Babək məhəlləsində ümummilli liderimiz Heydər Əliyevin adını daşıyan orta məktəb bu il öz qapılarını məktəblilərin üzünə ilk dəfə açmışdır. Şagirdlər ulu öndərimizin məktəbin həyətində ucaldılmış abidəsi önünə gül dəstələri düzmüş, dahi rəhbərin adı verilmiş məktəbin şərəfini ləyaqətlə qoruyacaqlarına and içmişlər.
Bölmənin digər xəbərləri
