NAYROBİDƏ BEYNƏLXALQ EKOLOGİYA KONFRANSI KEÇİRİLİR
AZƏRTAC İTAR-TASS-a istinadla xəbər verir ki, noyabrın 6-da Nayrobidə BMT-nin iqlim dəyişməsinə dair çərçivə konvensiyası tərəflərinin 12-ci konfransı və Kioto protokolu ölkələrinin ikinci görüşü açılmışdır. Forum iştirakçıları iqlim dəyişmələri nəticələrinin aradan qaldırılması və inkişaf etməkdə olan ölkələrin qlobal istiləşmə şəraitinə uyğunlaşması məsələlərini müzakirə edəcəklər. Onlar ətraf mühitin çirklənməsinə nəzarətə və buxar effekti yaradan qazların atmosferə buraxılmasının məhdudlaşdırılmasına dair fəaliyyət strategiyası işləyib hazırlamaq niyyətindədirlər. Alimlər, parlamentlərin üzvləri, siyasətçilər, dünyanın müxtəlif ölkələrinin ictimai təşkilatlarının nümayəndələri iqlim dəyişmələri sayəsində yeni elmi araşdırmaları və əldə olunmuş təcrübəni öyrənəcək, Kioto protokolu ölkələrinin parnik qazlarının atmosferə buraxılmasının məhdudlaşdırılmasına dair öhdəlikləri necə yerinə yetirdiklərini müzakirə edəcəklər.
Konfransda ölkəmizi Ekologiya və Təbii Sərvətlər Nazirliyi Hidrometeoroloji proqnozlar bürosunun rəhbəri Umayra Tağıyeva təmsil edir.
Bölmənin digər xəbərləri
