Nazir müavini: Bakı metrosunun mobilliyini artırmaq üçün yeni layihələrə start veriləcək
Bakı, 29 fevral, AZƏRTAC
Əhali sıxlığı nəzərə alınaraq Bakı metrosunun prioritetləri dəyişdirilir. Yaxın zamanlarda yeni layihələrə start veriləcək.
AZƏRTAC xəbər verir ki, bunu rəqəmsal inkişaf və nəqliyyat nazirinin müavini Samir Məmmədov “Bakı Metropoliteni” QSC-nin yaranmasının 10 ilinə həsr olunmuş “Dəyişməyən dəyərlər, dəyişən imkanlar” adlanan konfransda bildirib.
Nazir müavini əlavə edib ki, “Bakı Metropoliteni” QSC-nin konseptual inkişaf planına rəqəmsal əkiz platforması çərçivəsində baxılıb.
“Yeni layihələndirmə minimum ssenari ilə reallaşdırılacaq. Paytaxt mobilliyini artırmağa nə qədər çalışsaq Bakı metrosu olmadan bunu həyata keçirmək mümkün deyil. Həmçinin COP29 beynəlxalq tədbiri ilə bağlı "Bakı Metropolitenin" QSC-nin mobilliyini artırmaq üçün işlər görülür”, - deyə nazir müavini əlavə edib.
Bölmənin digər xəbərləri
