Nazir müavini: Gələn il neft və qazın qiymətində müsbət dəyişiklik gözlənilmir
Bakı, 4 noyabr, AZƏRTAC
Təəssüf ki, bu il və yəqin ki, gələn il də neft və qazın qiymətində müsbət dəyişikliyin olacağı gözlənilən deyil.
AZƏRTAC xəbər verir ki, bunu Milli Məclisin Əmək və sosial siyasət və İqtisadi siyasət, sənaye və sahibkarlıq komitələrinin birgə iclasında iqtisadiyyat nazirinin müavini Sahib Ələkbərov deyib.
O bildirib ki, ötən il bizim büdcə ilə bağlı göstəricilərimiz çox yaxşı olub. Həm icmal büdcə, həm dövlət büdcəsi, həm İşsizlikdən Sığorta Fondunun, həm DSMF-nin büdcələri çox yaxşı səviyyədə icra olunub. Bunun üçün real imkanlar mövcud idi. “Neft və qaz qiymətləri yaxşı səviyyədə idi. Ölkə başçısının apardığı islahatlar da buna imkan verirdi. Təəssüf ki, bu il və yəqin ki, gələn il də neft və qazın qiymətində müsbət dəyişikliyin olacağı gözlənilən deyil. Digər tərəfdən Azərbaycanda neft istehsalı təbii olaraq azalmaqdadır. Buna baxmayaraq vaxtında görülən tədbirlər nəticəsində biz gələn il və sonrakı üç ilin büdcə layihələrinə nikbin baxırıq”,- deyə nazir müavini qeyd edib.
Bölmənin digər xəbərləri
