Nazir müavini iqlim dəyişmələri ilə mübarizədə gənclərin rolundan danışıb
Bakı, 5 dekabr, AZƏRTAC
Bu gün bəşəriyyət iqlim dəyişikliyinin birbaşa və dolayı təsirlərini yaşayır. Son onilliklərdə sel, quraqlıq, tufan kimi ekstremal hava hadisələrinin tezliyi və şiddəti artıb. Bu iqlim hadisələri dolayısı ilə havanın keyfiyyətinə, suyun çirklənməsinə, torpaqdan istifadə imkanlarına təsir edir.
AZƏRTAC xəbər verir ki, bu sözləri Azərbaycanın səhiyyə nazirinin müavini İlqar Qasımov dekabrın 5-də Bakıda keçirilən Azərbaycan Uşaqlarının VI Ümumrespublika Forumunda çıxışı zamanı deyib.
O, iqlim dəyişmələri ilə mübarizədə gənclərin rolunun vacibliyini vurğulayaraq onların bu işə töhfə verəcəyinə ümid etdiyini bildirib.“İqlim dəyişikliyi hazırda dünyanın üzləşdiyi qlobal problemlərdən biridir və bununla mübarizədə hər kəs əlindən gələni etməlidir. Gənclər ölkəmizin gələcəyidir və onların düzgün məlumatlandırılması, bu istiqamətdə maarifləndirilməsi dünyanın gələcək inkişafına mühüm təsir göstərəcək”, - deyə nazir müavini əlavə edib.
Bölmənin digər xəbərləri
