Nazir: Seneqalla Azərbaycan arasında regional enerji layihələri çərçivəsində əməkdaşlıq üçün böyük imkanlar var
Bakı, 9 fevral, AZƏRTAC
Azərbaycanın Mərakeşdə, eyni zamanda, Seneqaldakı səfiri Nazim Səmədov bu ölkənin neft və enerji naziri Antuan Feliks Abdullaye Diome ilə görüşüb.
Ölkəmizin Mərakeşdəki səfirliyindən AZƏRTAC-a bildirilib ki, görüşdə səfir neft və qaz hasilatı, həmçinin bu sahədə mütəxəssislərin yetişdirilməsində Azərbaycanın zəngin təcrübəsinin iki ölkə arasında əməkdaşlıq üçün əlverişli zəmin yaratdığını qeyd edib, bu istiqamətdə təkliflərini diqqətə çatdırıb.
Seneqallı nazir öz növbəsində ölkəsində son illər bir neçə iri neft və qaz yatağının aşkar edilərək istifadəyə verildiyini bildirib. O, həmçinin iki ölkə arasında bu sahədə, eyni zamanda, regional enerji layihələri çərçivəsində əməkdaşlıq üçün böyük imkanların olduğunu vurğulayıb.
Bölmənin digər xəbərləri
