NAZİRLƏR KABİNETİNDƏ GÖRÜŞ
Baş nazir bildirdi ki, Azərbaycan ilə Ukrayna arasında münasibətlər yüksək inkişaf səviyyəsindədir və bütün sahələrdə daim genişlənir. Ölkələrimiz müxtəlif beynəlxalq təşkilatlarda vahid mövqe tutur, GUAM çərçivəsində əməkdaşlıq fəal inkişaf edir.
Artur Rasizadə qonaqlara respublikamızdakı ictimai-siyasi və iqtisadi vəziyyətdən danışaraq vurğuladı ki, ölkəmiz üçün başlıca problem Ermənistan-Azərbaycan, Dağlıq Qarabağ münaqişəsinin həll edilməməsi ilə bağlıdır. Bu il ölkəmizin hərbi büdcəsi keçən ildəkinə nisbətən iki dəfə artmışdır və Azərbaycan Prezidenti müdafiə xərclərini Ermənistanın bütün büdcəsinin həcminə çatdırmaq barədə tapşırıq vermişdir.
Anatoli Kinax Azərbaycanda apardığı danışıqlardan razı qaldığını bildirərək dedi ki, Bakıda hökumətlərarası iqtisadi komissiyanın iclasını keçirmək haqqında razılaşma əldə olunmuşdur.
Bölmənin digər xəbərləri
