NAZİRLƏR KABİNETİNDƏ GÖRÜŞ
AZƏRTAC xəbər verir ki, iyulun 10-da Azərbaycan Respublikasının Baş naziri Artur Rasizadə ölkəmizdə səfərdə olan Türkiyə Respublikası Müdafiə Nazirliyinin müdafiə sənayesi müşaviri Murad Bayarın başçılıq etdiyi nümayəndə heyəti ilə görüşmüşdür.
Görüşdə Azərbaycan ilə Türkiyə arasında strateji tərəfdaşlıq əlaqələrinin ən yüksək səviyyədə olduğu məmnunluqla xatırlanaraq vurğulanmışdır ki, ölkələrimiz arasında iqtisadi, siyasi, mədəni əməkdaşlığın daha da genişləndirilməsi üçün böyük potensial mövcuddur. Bu baxımdan müstəqil Azərbaycanın digər sahələrlə yanaşı, hərbi-sənaye kompleksində də Türkiyənin təcrübəsindən yararlanması, qardaş ölkələrin müvafiq qurumları arasında əlaqələrin daha da intensivləşdirilməsi hər iki tərəf üçün faydalıdır.
Tərəflər hərbi sənaye sahəsində əməkdaşlığın genişləndirilməsi imkanlarına dair bir sıra digər məsələlər ətrafında da geniş fikir mübadiləsi aparmışlar.
Azərbaycanın müdafiə sənayesi naziri Yavər Camalov görüşdə iştirak etmişdir.
Bölmənin digər xəbərləri
