“NƏ? HARADA? NƏ ZAMAN?” İNTELLEKTUAL OYUNU ÜZRƏ NÖVBƏTİ YARIŞ KEÇİRİLƏCƏKDİR
AZƏRTAC xəbər verir ki, dekabrın 27-də “Nə? Harada? Nə zaman?” intellektual oyunu üzrə növbəti yarış keçiriləcəkdir.
“Xəzər” İntellektual Gənclər Klubu və Bakı Dövlət Universiteti Tələbə Həmkarlar İttifaqının təşkil etdikləri turnirdə respublikamızın bölgələrini və ayrı-ayrı ali məktəbləri təmsil edən komandalar iştirak edəcəklər. Artıq seçim mərhələsi başa çatmış və 30 komanda yarışda iştirak hüququ qazanmışdır.
Qeyd edək ki, 2001-ci ildə təsis edilən və müntəzəm fəaliyyət göstərən “Xəzər” İntellektual Gənclər Klubu intellektual oyunlar hərəkatının inkişafına yardım göstərilməsi, intellektual istiqamətli müxtəlif növ fəaliyyətlərin kütləviliyinin təmin edilməsi üzrə ixtisaslaşmışdır.
Bölmənin digər xəbərləri
