NEFT FONDUNDA NORVEÇİN NÜMAYƏNDƏ HEYƏTİ İLƏ GÖRÜŞ KEÇİRİLMİŞDİR
AZƏRTAC xəbər verir ki, iyunun 3-də Azərbaycan Respublikası Dövlət Neft Fondunun (ARDNF) icraçı direktoru Şahmar Mövsümov Norveçin neft sənayesi və energetika nazirinin müavini xanım Liv Monika Stabholdtun başçılıq etdiyi nümayəndə heyəti ilə görüşmüşdür.
Görüşdə Mineral Ehtiyatların Hasilatı ilə Məşğul olan Sənaye Sahələrində Şəffaflıq Təşəbbüsünün (MHŞT) tətbiqinə dair məsələlər, o cümlədən Azərbaycanda MHŞT-nin uğurla tətbiq edilməsi, qiymətləndirmə prosesi, hökumət tərəfindən BMT-nin Baş Assambleyasına təqdim edilən Şəffaflıq Təşəbbüsünü dəstəkləyən qətnamə layihəsi geniş müzakirə edilmişdir.
Görüş zamanı Azərbaycan Respublikası Dövlət Neft Fondu ilə Norveç Fondu arasında oxşar və fərqli cəhətlər, həmçinin fondlar arasında gələcək münasibətlərin inkişafı barədə məsələlərə dair ətraflı söhbət aparılmışdır.
Bölmənin digər xəbərləri
