NEFTÇALADA 41 MİN HEKTARDAN ARTIQ SAHƏDƏ TAXIL ƏKİLMİŞDİR
AZƏRTAC xəbər verir ki, Neftçala rayonunda payızlıq taxıl əkini başa çatmışdır. Sahibkarlar əvvəlki illərə nisbətən rekord səviyyədə- 41 min 76 hektar sahədə taxıl əkmişlər. Bunun 26 min 247 hektarı arpa, 14 min 829 hektarı isə buğdadır.
Torpaq mülkiyyətçilərinə "Aqrolizinq" ASC-nin xətti ilə ölkəyə xaricdən gətirilmiş 106 ton yüksək reproduksiyalı toxum verilmişdir.
Xatırladaq ki, 2008-ci ildə zəmilərdən 87 min 958 ton məhsul yığılmış, rayonun taxıla tələbatı bütünlüklə yerli istehsal hesabına ödənilmişdir. Ötən il toxumçuluq üzrə dövlət qeydiyyatından keçən təsərrüfatların sayı 20-yə çatmışdır.
Neftçala taxılçıları gələn il daha yüksək-azı 100 min ton məhsul götürmək əzmindədirlər.
Bölmənin digər xəbərləri
