NƏQLİYYAT NAZİRİ İSLAM İNKİŞAF BANKININ NÜMAYƏNDƏLƏRİ İLƏ GÖRÜŞMÜŞDÜR
Dövlətimizin həyata keçirdiyi nəqliyyat siyasəti barədə qonaqlara ətraflı məlumat verən nazir ölkəmizin magistral yol təsərrüfatının yenidən qurulmasında İİB-nin rolunu yüksək qiymətləndirmişdir. Nazir Ələt-Gəncə avtomobil yolunun yenidən qurulması üçün tələb olunan 4,5 milyon dollar kreditlə bağlı Azərbaycan hökumətinin İİB rəhbərliyinə müraciətinə müsbət cavab verilməsini və Ucar-Yevlax yolunun işlənilməsinin bu bank tərəfindən dəstəklənməsinə görə təşəkkür etdi. O, bildirdi ki, ölkəmizin magistral yol təsərrüfatının yenidən qurulması məqsədi ilə Prezident İlham Əliyevin tövsiyə və tapşırıqlarına uyğun olaraq kreditlərin tapılması istiqamətində beynəlxalq maliyyə qurumları ilə danışıqlar aparırlar.
Ziya Məmmədov Avropa Birliyinin TASİS proqramı çərçivəsində görülən işlər barədə də ətraflı məlumat verərək demişdir ki, Şimal-Cənub magistralında vəziyyət qənaətbəxş deyildir. O, bu işin də perspektiv plana daxil olunduğunu qeyd edərək bildirmişdir ki, bütün bunlara nail olmaq üçün sərmayə lazımdır.
Son illər Azərbaycanın magistral yollarında görülən işləri yüksək qiymətləndirən İİB-nin nümayəndəsi doktor Əbu Rza demişdir ki, təmsil etdiyi bank öz imkanlarını ölkəmizin inkişafına yönəltməyə hazırdır.
Bölmənin digər xəbərləri
