Nizami adına Daşkənd Dövlət Pedaqoji Universitetinin əməkdaşları BDU-nun Tarix fakültəsində olublar
Bakı, 11 aprel, AZƏRTAC
Özbəkistanın Nizami adına Daşkənd Dövlət Pedaqoji Universitetinin bir qrup əməkdaşı Bakı Dövlət Universitetinin (BDU) Tarix fakültəsində olub.
BDU-dan AZƏRTAC-a bildirilib ki, Nizami adına Daşkənd Dövlət Pedaqoji Universitetinin İctimai elmlər kafedrasının müdiri Matlyuba Tullavoldieva, kafedranın professoru Karima Tulenova, dosenti Gülçöhrə Eşanova, dosent əvəzi Marvarid Mamadcanova, Dünya tarixi kafedrasının müəllimi Raino Mullacanova fakültənin rəhbərliyi, professor-müəllim heyəti ilə görüşüblər.
Tarix fakültəsinin dekanı İbrahim Zeynalov rəhbərlik etdiyi fakültə haqqında görüş iştirakçılarını məlumatlandırıb. Qeyd edib ki, fakültə fəaliyyət göstərdiyi illərdə çətin və şərəfli inkişaf yolu keçib. BDU-nun və fakültənin dünyaşöhrətli məzunu isə Ümummilli Lider Heydər Əliyevdir. Sonra İbrahim Zeynalov kafedraların apardığı elmi-tədqiqat işləri barəsində məlumat verib.
Nizami adına Daşkənd Dövlət Pedaqoji Universitetinin nümayəndə heyəti rus və ingilis bölmələrində tədris edilən “Azərbaycanın orta əsrlər dövrü tarixi” və “Qədim dünya tarixi” dərslərində iştirak edib, Arxeologiya və etnoqrafiya muzeyində mövcud olan eksponatlarla tanış olub.
Bölmənin digər xəbərləri
