Növbəti 99 vəkilliyə namizəd şifahi müsahibə mərhələsində iştirak edib
Bakı, 8 may, AZƏRTAC
Vəkilliyə qəbul üzrə ixtisas imtahanlarının yazılı test mərhələsindən müvəffəqiyyətlə keçmiş 607 nəfər vəkilliyə namizədin peşə yararlılığının yoxlanılması məqsədilə imtahanın şifahi müsahibə mərhələsi keçirilir.
Vəkillərin İxtisas Komissiyasından AZƏRTAC-a bildiriblər ki, onlardan növbəti 99 nəfər vəkilliyə namizəd şifahi müsahibə mərhələsində iştirak edib.
İmtahanın nəticəsinə görə, Vəkillərin İxtisas Komissiyasının peşə yararlılığına dair rəyini almış 89 nəfər vəkilliyə namizəd mayın 14-də Ədliyyə Akademiyasında başlayacaq icbari təlimə buraxılıb.
İcbari təlimdə namizədlərin vəkil peşəsinə hazırlanmaları təmin ediləcək, onlara vəkillik fəaliyyətinin səmərəli təşkili, vəkil etikası, insan haqları və digər aktual məsələlərə dair mövzular peşəkar ekspertlərin iştirakı ilə tədris olunacaq. Həmçinin namizədlər müxtəlif aidiyyəti qurumlarda təcrübə də keçəcəklər.
Bölmənin digər xəbərləri
