Növbəti nəsil “iPhone” şüşə korpusla təchiz ediləcək
Bakı, 10 avqust, AZƏRTAC
Daha çox "Foxconn" brendi kimi tanınan "Hon Hai Precision Industry" şirkəti "iPhone" smartfonu üçün şüşədən korpus hazırlayır. Bu haqda Yaponiyanın "Nikkei" nəşri yazıb.
AZƏRTAC “cnews.ru” saytına istinadla xəbər ki, 2017-ci ildə "Apple" şirkəti aparatı şüşə korpusa yerləşdirməklə "iPhone"un dizaynını dəyişdirməyi planlaşdırır. Bu yeniliyə imza atmaq istəyən şirkət istehlakçıların marağını geri qaytarmaq barədə düşünür.
"Nikkei" nəşrinin mənbəyi dəqiqləşdirib ki, "Foxconn" 2015-ci ildən şüşə korpusların hazırlanması ilə məşğul olur.
Bundan əvvəl mənbələr yazır ki, 2017-ci ildə "Apple" şirkəti metal çərçivə ilə haşiyələnmiş şüşə panellərdən ibarət korpusla təchiz edilmiş "iPhone" smartfonu buraxacaq. Həmçinin qurğu maye kristal ekranla deyil, "OLED" texnologiyasına əsaslanan ekranla təchiz ediləcək. Bütün bu dəyişikliklər nəticəsində qurğunun çəkisi azalacaq və onun enerji effektivliyini yüksəldəcək.
Bölmənin digər xəbərləri
