NOVQORODDA DOSTOYEVSKİNİN YARADICILIĞINA HƏSR OLUNMUŞ BEYNƏLXALQ TEATR FESTİVALI KEÇİRİLİR

11.11.2006 [11:49]
Çap et
A⁺ A^-

AZƏRTAC Mədəniyyət və Turizm Nazirliyinin mətbuat xidmətinə istinadla xəbər verir ki, Novqorod və Starıy Rus şəhərlərində Fyodr Dostoyevskinin yaradıcılığına həsr olunmuş kamera tamaşalarının X Beynəxalq festivalı keçirilir.

Festivalda Moskva, Sankt-Peterburq, Omsk, Voloqda və Novqorodun, habelə Azərbaycan və Serbiyanın teatr kollektivləri iştirak edirlər. Bakı Kamera Teatrı festivalda Dostoyevskinin “Belıye noçi” (Bəyaz gecələr) və “İdiot” əsərləri əsasında rejissor İrina Pelovanın quruluşunda eyniadlı tamaşaları təqdim edəcəkdir. Əsas rollarda Nofəl Vəliyev, Leyli Vəliyeva, Seyidşah Məmmədov və başqaları çıxış edəcəklər.

Festival çərşivəsində Dostoyevskinin xatirəsinə həsr olunmuş yaradıcılıq gecələri və ustad dərsləri də keçiriləcəkdir.