NUHUN GƏMİSİNİN AXTARIŞI DAVAM EDİR
Layihənin rəhbəri Dəniel MakGivern bildirmişdir ki, ekspedisiya iyulun 15-dən avqustun 15-dək olan dövr üçün nəzərdə tutulub və əsas məqsəd dağın yamacında tapılmış və uzunluğu 150 metr, eni 25, hündürlüyü 15 metr olan obyekti öyrənməkdir.
Alimlər Ağrıdağda uzun illərdən bəri tədqiqatlar apararaq, Bibliya rəvayətlərinə görə, dünyanın suya qərq olduğu dövrdə dalğaların buraya gətirib çıxardığı Nuh gəmisinin izlərini tapmağa çalışırlar.
Hələ 1957-ci ildə Türkiyə Hərbi Hava Qüvvələrinin təyyarəçiləri dağın yamacında gəmiyə oxşayan bir obyekt görmüşdülər, lakin bu yerlərə gediş-gəliş tezliklə bağlanmışdı, çünki SSRİ rəhbərliyi öz sərhədi yaxınlığında bu uçuşları ABŞ-ın casusluq fəaliyyətini gücləndirməsi kimi başa düşmüşdü. Qadağa yalnız 1982-ci ildə götürülmüşdür və o vaxtdan bəri tədqiqatçılar burada Nuhun gəmisinin qalıqlarını tapmağa dəfələrlə səy göstərmişlər, ancaq hələlik bir nəticə əldə edilməmişdir.
MakGivern demişdir ki, bu dəfə alimlər “Kuik börd” (“Çevik quş”) geodeziya peykindən çəkilmiş fotoşəkilləri əsas götürəcəklər. Bu şəkillərdə Ağrıdağ yamaclarında dağ süxurları üçün səciyyəvi olmayan obyekt aydın görünür.
Ekspediysiyaya tanınmış türk alpinisti Əhməd Əli Arslan bələdçilik edəcəkdir.
Bölmənin digər xəbərləri
