NÜMUNƏVİ VERGİ ÖDƏYİCİSİ MÜKAFATLANDIRILDI
Mingəçevirdəki “Şüşə lifi” açıq tipli səhmdar cəmiyyəti Azərbaycan Respublikası Vergilər Nazirliyinin təsis etdiyi “Nümunəvi vergi ödəyicisi” fəxri adına layiq görülmüşdür. Müəssisə bu adı vergiləri tam və vaxtında ödədiyinə, vergi qanunvericiliyinə düzgün əməl etdiyinə görə almışdır. Bu münasibətlə keçirilən toplantıda müəssisəyə nazirliyin şəhadətnaməsi və mükafat olaraq kompüter dəsti təqdim edilmişdir.
Son illərin obyektiv iqtisadi çətinliklərinə baxmayaraq, müəssisə istehsal prosesini dayandırmamış, dövlət sifarişlərini vaxtında və keyfiyyətlə yerinə yetirmişdir. Müəssisənin öz işçilərinə əmək haqqı, müavinətlər və digər ödənişlər üzrə heç bir borcu yoxdur.
Bölmənin digər xəbərləri
