Nurəddin Mehdixanlı: “Kral Lir” tamaşası mənim yaradıcılıq hesabatımdır
Bakı, 12 may, AZƏRTAC
“Kral Lir” tamaşası vasitəsilə həm özümə, həm də tamaşaçıya bir növ yaradıcılıq hesabatı təqdim etdim. Bu illər ərzində qazandığım təcrübəni, öyrəndiklərimi və bacarıqlarımı səhnədə nümayiş etdirdim. İnanıram ki, “Kral Lir” tamaşası teatrın tarixində mühüm yer tutacaq.
Bunu AZƏRTAC-a açıqlamasında “Kral Lir” tamaşasında əsas obrazı canlandıran Xalq artisti Nurəddin Mehdixanlı deyib. Xalq artisti qeyd edib ki, ikihissəli tamaşada ümumilikdə 18 aktyor iştirak edir, onlardan 12-si gənc aktyor və tələbələrdir.
“Yeni səhnə əsəri texniki heyətin və yaradıcı kollektivin birgə zəhməti sayəsində ərsəyə gəlib. Teatr kollektivinə dərin təşəkkürümü bildirirəm ki, 70 illik yubileyim münasibətilə belə möhtəşəm tamaşanın təqdim olunması üçün şərait yaradıb”, - deyə N.Mehdixanlı əlavə edib.
Müxbir - Fidan Əlizadə
Bölmənin digər xəbərləri
