“O səs Türkiyə"də hamının heyranlıqla dinlədiyi səs
Bakı, 30 oktyabr, AZƏRTAC
Daha bir azərbaycanlı ifası ilə qardaş ölkədə “O səs Türkiyə”nin səsinə yeni səs qatıb. Belə ki, gənc müğənni Ayla Şiriyevanın Türkiyədə beynəlxalq layihədə çıxışı böyük əks-səda doğurub.
AZƏRTAC xəbər verir ki, Cessi Ceyin "Mamma Knows Best" kompozisiyası A.Şiriyevanın təqdimatında olduqca yeni təsir bağışlayıb. Onun vokal imkanları nəinki iştirakçıları, həm də peşəkar münsif heyətini belə təsirləndirib. Bu səbəbdən də münsiflərin hər biri həmyerlimizi öz komandasında görmək arzusunda olub. Amma gənc vokalçı Yıldız Tilbenin komandasını seçib.
Qeyd edək ki, A.Şiriyeva həm də "Azərbaycanın səsi" milli vokal müsabiqəsinin finalçısıdır.
Bölmənin digər xəbərləri
