“Ödəniş sistemləri və rəqəmsal bankçılıq üzrə Ekspert Qrupu”nun növbəti iclası keçirilib
Bakı, 7 iyul, AZƏRTAC
Azərbaycan Banklar Assosiasiyası (ABA) nəzdində fəaliyyət göstərən “Ödəniş sistemləri və rəqəmsal bankçılıq üzrə Ekspert Qrupu”nun növbəti iclası keçirilib.
ABA-dan AZƏRTAC-a bildirilib ki, iclas zamanı ödəniş kartları sahəsində mövcud qanunvericilik tələbləri və onların təkmilləşdirilməsi istiqamətləri müzakirə edilərək, ödəniş kartları ilə aparılan fırıldaqçılıq əməliyyatlarına qarşı birgə fəaliyyətin həyata keçirilməsi istiqamətlərinə toxunulub.
Qeyd edək ki, Azərbaycan Banklar Assosiasiyası 1990-cı ildə kommersiya bankları tərəfindən təsis edilib. ABA-nın əsas məqsədi üzv-təşkilatların maraqlarını qorumaq, onların müxtəlif növ işgüzar xidmətlərə olan ehtiyaclarının ödənilməsinə yardım göstərmək və fəaliyyətlərini əlaqələndirməkdən ibarətdir. Hazırda 26 bank və 5 qeyri-bank təşkilatı ABA-nın üzvüdür.
Bölmənin digər xəbərləri
