OĞUZ ŞƏHƏRİNƏ YENİ SU XƏTTİÇƏKİLMİŞDİR
Oğuz Rayon İcra Hakimiyyətindən AZƏRTAC-ın müxbirinə bildirmişlər ki, əhalinin içməli su təminatını daha da yaxşılaşdırmaq üçün Sazur və Almalıq su mənbələrindən rayon mərkəzinə 4,5 kilometr uzunluğunda yeni su xətti çəkilmişdir.
“Azərsu” Səhmdar Cəmiyyətinin maliyyələşdirdiyi xəttin tikintisini Oğuz Su-Kanal İstismarı idarəsinin kollektivi həyata keçirmişdir. Xəttin üzərində drenaj qurğusu quraşdırılmış, 200 ton tutumu olan yeni anbar tikilmişdir.
